• Pinterest - Grey Circle
  • Vimeo - Grey Circle
  • Instagram - Grey Circle
  • Facebook - Grey Circle
  • YouTube - Grey Circle
1/3
Leifur heppni
 

Gamanleikrit sem á skemmtilegan hátt vekur börn og fullorðna til umhugsunar um hvernig ferðum Leifs Eirikssonar var háttað í raun og veru og hvað rak hann af stað út í óvissuna Það er Ísafold hjá þvottaþjónustunni sem gefur okkur sína eigin útgáfu af ferðum Leifs á meðan hún hengir upp þvottinn og hlustar um leið á eftirlætis útvarpsþáttinn sinn þar sem lesið er uppúr Íslendingasögunum. Leikhúsið 10 fingur hefur ferðast víða með sýninguna m.a. um Bandaríkin, Kanada, Evrópu og Ástralíu 

 

Höfundur: Helga Arnalds   Leikstjóri: Þórhallur Sigurðsson   Leikmyndahönnun: Petr Matásek

Leikari: Helga Arnalds

Lengd:     40 mínútur

Leikrými:   Gólfflötur 4 x 4 metrar. Myrkur.

Aldur: 9 - 15 ár

1/4
Mjallhvít
 

Vönduð og vel gerð leiksýning fyrir yngri áhorfendurna!

Hér er á ferðinni sagan sígilda um Mjallhvít og dvergana sjö eins og við þekkjum hana flest en í sýningunni leiðir sögukonan börnin í gegnum hana á nokkuð óvenjulegan hátt, nefnilega með töfrabrögðum, myndskyggnum, brúðum, grímum og söng. 

 

Ummæli úr fjölmiðlum

"Börnin voru agndofa af hrifningu og náði sýningin að heilla þau allt niður í tveggja ára aldur".  Anna Borg, leikskólastjóri 

 

"Ég hef sjalda orðið eins yfir mig hrifin. Mjallhvít var fegurð út í gegn. " Hallveig Ingimarsdóttir, leikskólastjóri 

 

"Sýningin er afar falleg á að líta...Ekkert hik eða fum er á þessari færu brúðuleikkonu sem hlýtur að teljast i hópi þeirru bestu á þessu sviði hérlendis - og þótt víða væri leitað".

Soffía Auður Birgisdóttir Morgunblaðinu

 

Höfundur: Helga Arnalds  

Leikstjóri: Þórhallur Sigurðsson  

Leikmynd og brúður: Helga Arnalds

Leikari: Helga Arnalds

Lengd: 40 mín.

Aldur: 2 - 9 ára

1/2
Jólaleikur
 

Falleg og skemmtileg útfærsla á jólaguðspjallinu þar sem mikil áhersla er lögð á þátttöku barnanna.

 

"Jólaleikur er gott innlegg í jólaundirbúninginn. Sýningin náði vel athyggli hinna ungu áhorfenda sem lifðu sig inní söguna og höfðu mjög gaman af. "    ​S.A.B. -  Morgunblaðið                                     

 

"Virkilega falleg og aðlaðandi sýning fyrir alla. "   S. A. - DV                                                                                                                                     "Frábær sýning. Ég hef séð margar góðar jólasýningar en þessi skarar fram úr."   

Elías Bjarnason kennari sunnudagaskóla Þjóðkirkjunnar.

 

Höfundur: Helga Arnalds  

Leikstjóri: Ása Hlín Svavrsdóttir   

Leikmynd og brúður: Helga Arnalds og Tómas Ponzí

Leikari: Helga Arnalds

Lengd 40 mín.

Aldur 2 - 9 ára

SÓLARSAGAN

 

Falleg vönduð og bráðfyndin sýning fyrir börn á leikskólaaldri.

 

Sagan er fléttuð úr þjóðsögum af sólinni frá ýmsum löndum. Hún gerist fyrir langa löngu. Þegar sólin var bæði fögur og feit, hnöttótt og heit og einstaklega hláturmild. Á hverjum morgni sungu dýrin og mennirnir sólarsönginn svo jörðin snérist í hringi af gleði. En á annarri plánetu í sólkerfinu bjó Hnetukonungurinn ásamt Plágu litlu prinsessu. Kónginum þótti svo vænt um dóttur sína að hann gat ekki neitað henni um neitt. En Plága prinsessa átti afmæli og vesalings kónginum kom ekkert í hug til að gefa henni því hún átti allt. En hann dó samt ekki ráðalaus því honum datt í hug að gefa henni sólina. Það er á þessu andartaki í sögunni sem kemur í hlut okkar áhorfendanna að sýna hvað í okkur býr því ekki getum við látið dýrin á jörðinni krókna úr kulda. Eins og í öðrum sýningum leikhússins taka börnin virkan þátt í sögunni og ekki stendur á þeim að bjarga heiminum á einum morgni eða eftirmiðdegi.

 

Brot úr leikdómum:

Þetta er einfalt, grípandi og viturlegt ævintýri eins og öll góð ævintýri eiga að vera. Helga Arnalds setti áhorfandanum það fyrir sjónir með einkar fagmannlegum hætti, líkt og verið hefur á fyrri sýningum hennar sem ég hef séð. Þarna er skuggamyndatæknin vel notuð og textaflutningur Helgu var hinn fjörlegasti. Það er varla völ á öðru betra en svona brúðuleikhúsi til að leiða lítil börn inní heim leiklistarinnar, sé vel að staðið. Sólarsagan er því barnaefni sem óhætt er að mæla með.” Gunnar Stefánsson - Tímanum